صفحة جديدة 1
الأخوة الذين قاموا بالتسجيل والذين يريدون التسجيل ننوه بأن الموقع انتقل على الرابط منتديات الشاعر إيهاب الأمين مرحباً بكم جميعاً

    مكتبة الشاعر اسحق الحلنقي

    شاطر

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:09 pm

    يا اعز الناس


    يا أعز الناس حبايبك نحن
    زدنا قليل حنان
    دا العمر زادت غلاوتو معاك
    وصالحني الزمان
    يا أحن الناس حنان

    كنت من قبلك
    بشيل الليل دموع
    واطويه هم
    انا كنت بخشى
    على الأماني الطفلة
    يفنيها العدم
    وجيت لقيتك بين قلبي دموع
    وغنيتك نغم

    يا حبيب
    ورد الأماني
    الفي أعماقي فتح
    وابتدا القلب
    العاش العمر في آهاتو
    يفرح
    والزمن ماظنو بعدك انت
    يرجع تاني يجرح

    نامت أحزان عمري
    غنى زماني
    واتلاشت صعاب
    أنا قبلك الأيام
    قضيتا سراب
    يسلمني السراب
    وبيك طويت من عمري
    صفحة ماضي مكتوب بالعذاب

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:11 pm

    الوداع الأخير


    مهما الزمن .. طلع قمر
    وغيب قمر ما بجيب قمر يشبه عمر
    كان مس بي ايده التراب يصبح درر
    وكان حدثك ترحل بعيد لى دنيا ما دنيا بشر
    شفتوهو كيف فى المؤتمر حرك شجون
    القلبه منسوج من حجر الاعمي يوم داك ما نظر
    والحسه ما بشعر شعر آه يا قدر امرك صدر
    ماترشى ارضنا يا مطر وما تهدى موجك يا بحر
    طال ما عمر تحت التراب الحلوة كان ضقناها مر
    والسمحة كان جات ما بتسر وفرحنا بعد قصي عمر
    كان وش سمح بي لمسته يداوى الجرح
    كان طيبة فى الاعماق تلح كان حاله زين ما بدور شرح
    تلقاهو دايما منشرح عقد الندي نفحة عبير عطر الطلح
    للسمحه بسرع فى الخطا وفى القاسية ثابت ما بزح
    كان الرجى وكان للحيارى المرتجى المستجد
    كان بفتح ابواب النجا كان شعله بالحب الكبير متأججه
    فى نظرته فى عزته ما بحجوا بيهو الناس حجا
    الكلمة ما كان بيكونها وبيلونها وبحننها ويبجيبها ليك
    تحلف عروسه متوجهة ... اخو فى القسي
    والليلة خالد ياحليله يقول ابوى
    وما بلقي غير صمت الاسى العزة ما كان حارسها
    والسمحة ما كان فارسها كان مدرسة لى كل عظيم
    التاكل يبكي عليك دموع تاجوج تنوح
    شجر الاراك زابل فروع ومحلق اللابس الدروع
    غرقان دموع والقمرة ما دايره الطلوع
    الناس تئن حس النحاس يبكي ويرن
    ومحمد الحافظ على العهد القديم صلى فى خشوع
    لى الله يرحم جيتك فى آخرتك تكسب ثواب
    ما كان بطل فى العز قدل كان المحارب فى كرن
    وكان المناضل فى حروب ليبيا ومعارك كل زمن
    كان حبه فى الدنيا الوطن من راحته من عافيته
    كم دفع الثمن وياما الزمن ليهو اتمحن لكنو اجتاز المحن
    ورايات معزته بالمفاخر هفهفن اخدر نحيف شامخ جبينه
    كأنه سيف اعماقه حس فنان رهيف وكل دينه مصحف شريف
    ماسد باب دقاهو ضيف فى الدنيا كم درج شقى وفرح ضعيف
    الليلة عاينو الدنيا كيف حزنانه كيف
    لابسه السواد شايله الرماد الليلة ما انكسر الجواد
    يا حليل عيونه الصافيه كلها اعتداد
    الناس يوصوا علي الصبر ويقولوا غايتو كلام معاد
    كيف الصبر يا اخوانى عاد والكان بعلمنا الصبر خلانا فات
    من غير ميعاد .

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:15 pm

    دوري يا أيام


    دوري دوري

    يا أيام يا أشواق عدينا

    نحن الليلة للحبان

    من سفرا بعيد جينا


    على رمل الطريق من بيتنا

    جابنا الشوق في سكتكم

    وصح الذكريات فينا

    مواكب الغيم لحارتكم

    بعد ما قلنا نحن نسينا

    ايه ذكرنا سيرتكم



    وحاة عزتكم الفي قلوبنا

    ياحلوين تطلونا

    افتحو لينا احضانكم

    بعد توادنا لمونا

    قالو الفرقة بتغير

    خايفين بكرة تنسونا

    صبح رمل الطريق حزنان

    عليهم متين تلاقونا

    طفنا الحي مشيناهو

    فوقنا سحابة حزنانة

    هناك لاقونا ناس سألونا

    إيه عاملين في دنيانا

    وجات سيرتكم الحلوة

    بأحلى عبير كريحانة

    واخفت بينا ذكراكم

    ودنياكم مفارقانا

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:18 pm

    الصورة



    توعدنا وتبخل بالصورة

    يا غنوتنا

    يا بهجتنا

    ويا مسا عيونا المبهورة

    ما نحن بطبعنا ناس طيبين

    غلطاتك عندنا مغفورة


    يا نسمة في عز الصيف هبت

    يا روح الروح

    يا آمالا

    إن جيت تطلبنا بضي العين

    مابنقدر نحن نقول

    لا لا



    العين مابتعلا على الحاجب

    وعزيز الروح مابتعالا

    لو نحن بكينا على الصورة

    سامح دمعتنا المعذورة

    ما نحن بطبعنا ناس طيبين

    غلطاتك عندنا مغفورة

    الكلمة الحلوة الفي قلبك

    وحياتك ماتعاند قولا

    خلينا نصابح بيها العيد

    نرحل لعوالم مجهولة

    لو نحن مقامك ماقدرو

    أعذارك عندنا مقبولة

    روعة سحر الأسطورة

    يا سمحتنا الما بنطولة

    لو نحن مقامك ماقدرو

    أعذارك عندنا مقبولة


    بنحبك نحن وما قادرين

    أبدا عن حبك نتخلا

    نتخلا عن الوجه البشبه

    ضي القمرة الناعس طلا

    كل الآمال الل يخليك

    ويحرسك من عين الناس الله

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:21 pm

    غربة وشوق .. اسحق الحلنقي



    جيناكم يا حبايبنا
    بعد غربة و شوق
    نغالب فيه ويغالبنا
    ونكتم أهة
    تظهر أهة
    تتعبنا
    حنين لشوفة الغالين
    مدوبنا

    هناك ما هنتنا يا حلوين
    الهم بدل واحد يبين همين
    وفيها قلوبنا
    تتأوه ونتاوه
    سنين وسنين
    مصيره الحى يلاقى حبايبه
    لو صادقين

    سماع أهلا
    من الاحباب شروق أمال
    ووصف البهجة بالكلمات
    محال يتقال
    حلاوة العودة
    غنيناها فى موال
    تحكى عن الولف
    واصلة الولف كتال

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:37 pm

    قطر الندى

    الريد جو قلبي بحبك بدا
    ياطيبة حياتي يا قطر الندي
    ما كان في خيالي تتنكر كدا
    أيامن الجميلة ليه بتنكدا
    جربت هواهم
    قليبي انكوى
    تاريهم جاروا
    وماصانو الهوى
    حاولت اسيبك واتناسى المضى
    أيامك معاي ساعات الرضى
    المكتوب علي أنا قلبي ارتضى
    ياريت الليالي عطفو يعوضا
    جربت هواهم
    قليبي انكوى
    تاريهم جارو
    وماصانو الهوى
    الكلمة الحنينة مشتاق اسمعا
    روحي خلاص جفيتا والشوق لوعا
    الدمعات
    عيوني كيفن تمنعا
    وانا شايف سنيني جورك ضيعا
    جربت هواهم
    قليبي انكوى
    تاريهم جاروا
    وماصانو الهوى
    يومي الشفتك انت حسيت بالهنا
    طويت يا حياتي شمعاتي انا
    بعد الحب دا كلو يا أجمل منى
    لي بكيتني تاني عاودت الضنا
    جربت هواهم
    قليبي انكوى
    تاريهم جاروا
    وماصانو الهوى

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:40 pm

    استنيني .. اسحق الحلنقي



    يا راجياني وما ناسياني

    ياما الغربة بتتحداني

    وانا بتحدى الزمن الجاير

    لو في بعدك

    يتحداني

    لمّ سحابة تلاقي سحابة

    وتنزل منها دمعة عشاني

    لمّ تلاقي مسافر عايد

    تمشي وتسألي عن عنواني

    وانا عنواني عيونك انتي

    وأي مكان تمشيهو مكاني

    يا راجياني وما ناسياني

    ياما الغربة بتتحداني

    وانا بتحدى الزمن الجاير

    لو في بعدك

    يتحداني

    ياالفرهدتي فرح جواية

    أنا جملتك بألواني

    أنا علمتك تاخدي المعنى

    من إحساسي وتدي معاني

    أنا سافرت عشانك انتي

    وسبت البلد الما ناسياني

    كم حاولت أصارحك ياما

    إلا العزة بقت مانعاني

    يا راجياني وما ناسياني

    ياما الغربة بتتحداني

    وانا بتحدى الزمن الجاير

    لو في بعدك

    يتحداني

    إستنيني ولو حاولت تصدي حناني

    إستنيني ولو حاولت تصدي حنيني

    ياما حتشقي ماظن تلقي

    حِنيّن زيي يريدك تاني

    ألأيام وانا قربك انتي

    مهما تطول محسوبة ثواني

    إنتي جمالك ياهو جمالي

    وانتي زهورك من ريحاني

    الأفراح بعرف ميعادا

    وأي زمان تلقيهو زماني

    يا راجياني وما ناسياني

    ياما الغربة بتتحداني

    وانا بتحدى الزمن الجاير

    لو في بعدك

    يتحدانى

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:43 pm

    وسط الدايرة


    وسط الدايرة أجمل نايرة
    خلي قلوبنا تطير
    وارحلي بينا فراشة حنينة
    بين زينات وعبير
    ولما الخصلة تدور طربانة
    تبقي حرير في حرير
    فرحي خلق الله واتّنّي ياشبه القمرة
    وارقصي رشي عبيرك فينا وفتحي يا زهرة

    أرقصي زيدي الساحة سماحة
    نحن معاك نشيل
    نغني غناوي ..نحكي حكاوي
    لما ندوب في الليل
    لا ترتاحي لا تريحينا
    لسة الوقت طويل

    عمرك كل فرح يا زينة
    شيلي من الأفراح وادينا
    راقصي البسمة راقصي النسمة
    خلي الموجة تدور بينا
    أوعي تهدي
    كمان اتحدي
    يلا جميلك تمي علينا علينا

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:47 pm

    بتتعلم من الايام


    بتتعلم من الايام ،،، مصيركـ بكره تتعلم ،،،

    وتعرف كيف بكون الريد ،،، وليه الناسـ بتتألم ،،،

    متين عرف الهوى قلبكـ ،،، زمتين صابكـ باهاتو ،،،

    ومتين سهر عيونكـ ليلــ ،،، طوبله ساعاتو ،،،،

    وحاتكـ لسه مابقدر تقاسمـ ،، قلبي دقاتو ،،،

    ومصيركـ ،، بكره تتعلمـ ،،،

    **** ،،،،، **** ،،،،، **** ،،،،، ****

    اقابلكـ وكلي حنيه ،،،، واخاف من نظرتكـ ليا ،،،

    واخاف شوق العمر كلو ،،، يفاجئكـ يوم في عينيا ،،،

    ورا البسمات كتمتا دموع ،،، بكيت من غير تحس بيا ،،،

    ومصيركـ ،،، بكره تتعلم ،،،

    **** ،،،،، **** ،،،،، **** ،،،،، ****

    بكره الريد ،،، بدون مواعيد يزوركـ ،، ياحياه عمري ،،،

    تقول ياريتني لو حبيت ،،، زمان من بدري ،،،،

    تعال فرح ليالينا ،،، تعال قبل السنين تجري ،،،

    ومصيركـ ،،،، بكره تتعلم ،،

    **** ،،،،، **** ،،،،، **** ،،،،، ****


    بتتعلم من الايام ،،، مصيركـ بكره تتعلم ،،،

    وتعرف كيف بكون الريد ،،، وليه الناسـ بتتألم

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:49 pm

    الكروان



    لـيه يا كروان خليت عشك

    بـاريت الـغربة الـبتغشك

    فـارقـت الـبلد الـبتريدك

    بـالصندل كـانت بـترشك

    لـيه يا كروان سبت ديارك

    ومـشيت خـليتهم سـمارك

    دي الـغربة الـحتت نوارك

    مـا تـسيبها تـقلل مقدارك

    دا الـبعد الحاصل كان منك

    ليه نرمي اللوم على اقدارك

    لـيه يا كروان خليت ناسك

    ومـشيت لـلناس الماناسك

    انـت المعروف بين جلاسك

    مـعروف بي رقة احساسك

    ليه تنسى عيون النيل والليل

    والـريد الـحابس انـفاسك

    لـيه يـا كروان بعدك طول

    ومـا عـاد تغريدك زي أول

    انـا عارفو حنينك ما تحول

    عـشق الأوطـان ما بتاول

    اصلو الانسان ما بكون انسان

    لـو بنسى قديم زمنو الاول

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:52 pm

    امرك ياقدر


    مشي امرك ياقدر انت احكامك مطاعه
    لوحصل نحن افترقنا والليالي الهم اضاعا
    همسة الذكرى المعاي تبقى زاد روحي ومتاعا
    ــــــــــــــــــــــــــــــــــــــــــ
    الزمن كان مبتسم والليالي جميله حالمه
    كانت الايام بتمضي حلوه ريانه ومسالمه
    لا اشتكينا من الزمن لا لا التقينا في لحظه ظالمه
    بي حنانا الدنيا كانت ياحبيب العمر عالمه
    ــــــــــــــــــــــــــــــــــــــــ
    فجأه من غير نحن نشعر يافراق طليت علينا
    واصبحت كل الليالي الطيبه والايام حزينه
    وارتيم ظل في جبين ايامنا ظل آهات سجينه
    كان طريق مكتوب نسيرو نحن سرناهو ومشينا
    ــــــــــــــــــــــــــــــــــــــــــ
    عدت من بعدك رجعت عشت متغرب وحيد
    وابتديت اشعر بزهر العمر يتساقط بعيد
    ياحليلك انت والايام ربيع اخضر سعيد
    كنت ببكي عليك بعمري والدموع بس ما بتفيد

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 1:56 pm

    إنت مافي


    وانت مافي
    اي حاجة بتبقى مافي
    الشمس تلقاها مافي
    والبحر من غير مرافي
    والمدن بتكون منافي
    والحبيب يبقى جافي
    العسل ما ببقى صافي
    وانت مافي

    انت مافي الروح تفارق
    ويبقى موج النيل مفارق
    الشروق ينسى المشارق
    والنسيم لي الروض يشاهق
    والصباح ما ببقى شارق
    وانت مافي

    انت مافي منو البسالم
    ويبقى من الامو سالم
    الزمن يصبح مظالم
    والحنين يبقى ظالم
    وتمسح الأحزان عوالم
    تفتح الاحزان عوالم
    وانت مافي

    انت مافي الناس تغيب
    والحبيب ينسى الحبيب
    الدمع يصبح قريب
    والطبيب ما ببقى طيب
    كيف يكون في الدنيا طيب
    وانت مافي

    مازن محجوب
    عضو فعّال
    عضو فعّال

    ذكر عدد الرسائل: 92
    العمر: 34
    المكان: الخرطوم
    العمل: تاجر
    تاريخ التسجيل: 24/11/2009

    رد: مكتبة الشاعر اسحق الحلنقي

    مُساهمة من طرف مازن محجوب في الجمعة فبراير 12, 2010 2:02 pm

    المشكلة
    اسحق الحلنقي


    الروح تروح ما مشكلة ..

    تزيد جروحى علي جروح ما مشكلة ..

    ينسى الفراش عطر الربيع ما مشكلة ..

    ينسى الوديع صوت الوديع ما مشكلة ..

    الشاري لو فكر يبيع لو ضاعت الاعمار تضيع ما مشكلة ..

    لاتبين شمس لايهل قمر ما مشكلة ..

    يبقى السحاب من غير مطر ما مشكلة ..

    يرموني في نص البحر تجيبو لي الناس خبر ما مشكلة ..

    لو هز صمت الليل برق ما مشكلة ..

    والقاش رحل خلا الشرق ما مشكلة ..

    لو عمري بالشوق يحترق لو رحت ما جبت الفرق ما مشكلة ..

    الدنيا تبقى بدون جليس ما مشكلة ..

    تبقى الليالي بدون ونيس ما مشكلة ..

    وتنسى ليلى حبيبا قيس ما مشكلة ..

    وتنسى العروس اسم العريس ما مشكلة ..

    المشكلة

    ريدتك بقت هى المشكلة

    ادينى حل للمشكلة ..

      الوقت/التاريخ الآن هو الأحد أبريل 20, 2014 4:18 pm